മലയാളികള്‍ക്ക് ഏറെയിഷ്ടമുള്ള താരമാണ് നിഷ സാരംഗ്. യാതൊരു പരിചയപെടുത്തലും ആവിശ്യമില്ലാത്ത താരം ഇന്ന് നിഷയെ അറിയുന്നത് നീലു എന്ന പേരിലാണ്‌. കഴിഞ്ഞ കുറേ വര്‍ഷങ്ങളായി മലയാളികള്‍ക്ക് നിഷ ഉപ്പും മുളകും പരമ്പരയിലെ നീലുവാണ്. ഒരു പരമ്പര എന്നതിലുപരി തങ്ങളുടെ കുടുംബം പോലെയാണ് ഉപ്പും മുളകും പരമ്പരയിലെ അഭിനേതാക്കളെ സ്നേഹിക്കുന്നത്.
ഇപ്പോഴിതാ തന്റെ ജീവിതം മാറ്റി മറിച്ചൊരു വിഗ്രഹത്തെക്കുറിച്ച്‌ സംസാരിക്കുകയാണ് നിഷ സാരംഗ്. അന്ന് ഞാന്‍ അഭിനയിക്കാന്‍ ഇറങ്ങിയിരുന്നില്ല. ജസ്റ്റ് ഒന്ന് രണ്ട് പാസിംഗ് വേഷങ്ങള്‍ മാത്രമായിരുന്നു ചെയ്തിരുന്നത്. കയ്യില്‍ പൈസയൊന്നുമില്ലാത്ത സമയാണ്. വണ്ടി കാശ് മാത്രമായിട്ടാണ് കുഞ്ഞുങ്ങളേയും കൊണ്ട് ഗുരുവായൂര്‍ പോകുന്നത്. ട്രെയ്‌നില്‍ വരാനുള്ള കാശ് മാത്രമേ കയ്യിലുണ്ടായിരുന്നുള്ളൂ. അവിടെ ചെന്നപ്പോള്‍ ഒരു കടയില്‍ കൃഷ്ണന്റെ വിഗ്രഹം കണ്ടു.
കണ്ടാല്‍ കൃഷ്ണന്‍ അവിടെ നില്‍ക്കുകയാണെന്നേ തോന്നൂ. ആ ഒരു വിഗ്രഹം മാത്രമേ അങ്ങനത്തേത് ഉള്ളൂ അവിടെ. സാധാരണ എല്ലാം ഓടക്കുഴല്‍ പിടിച്ചു നില്‍ക്കുന്നതായിരിക്കും. ഇതുപക്ഷെ വെണ്ണക്കലവും പിടിച്ച്‌ നില്‍ക്കുന്നതായിരുന്നു. ഒരു കുട്ടി നില്‍ക്കുന്നതായേ തോന്നുകയുള്ളൂ. എനിക്കത് വാങ്ങണമെന്ന് തോന്നി. പക്ഷെ അത് വാങ്ങിക്കഴിഞ്ഞാല്‍ പിന്നെ കയ്യില്‍ ബസിന് പോകാനുള്ള കാശ് മാത്രമേ കാണൂ. എന്നാലും അത് കളഞ്ഞിട്ട് പോകാന്‍ തോന്നിയില്ല. വില പേശി പേശി വാങ്ങി. ഒരു കുട്ടിയെ കയ്യില്‍ എടുക്കുന്നത് പോലെയാണ് ഞാന്‍ ആ വിഗ്രഹവും കൊണ്ട് പോയത്. ബസിലാണ് തിരിച്ചു പോകുന്നത്. കലൂര്‍ ഇറങ്ങി കൃഷ്ണനേയും ഒക്കത്ത് വച്ച്‌ നടക്കുകയായിരുന്നു. ഭക്ഷണം കഴിക്കാന്‍ പോലും പൈസ ബാക്കിയുണ്ടായിരുന്നില്ല. ഒക്കെ തീര്‍ന്നിരുന്നു. എന്നാലും കൃഷ്ണനെ കിട്ടിയ സന്തോഷത്തിലായിരുന്നു ഞാൻ.
പക്ഷെ പിറ്റേന്ന് മുതല്‍ എന്റെ ജീവിതം മാറി. എന്റെ ജീവിതത്തിന്റെ പോക്ക് മാറി. ഗ്രാഫ് കയറിപ്പോയി. ജീവിതം വേറൊരു റൂട്ടിലായി. കൃഷ്ണന്‍ വീട്ടിലേക്ക് വന്നതിനാലാണ് അതെന്നാണ് എന്റെ വിശ്വാസം. എല്ലാവര്‍ക്കും അങ്ങനെ തോന്നണമെന്നില്ല. ഞാന്‍ വിശ്വസിക്കുന്നത്, എനിക്ക് അങ്ങനൊരു മകന്‍ ഉണ്ടായപ്പോള്‍ ജീവിതത്തില്‍ മാറ്റങ്ങളുണ്ടായി എന്നാണ്‌… ” നിഷ സാരംഗ് പറയുന്നു.
The post വില പേശി പേശി വാങ്ങി, ഒരു കുട്ടിയെ കയ്യില്‍ എടുക്കുന്നത് പോലെ ആ വിഗ്രഹവും കൊണ്ട് വീട്ടിലേക്ക് പോയി പിറ്റേന്ന് മുതല്‍ ജീവിതത്തിന്റെ റൂട്ട് മാറി, ഗ്രാഫ് ഉയര്‍ന്നു- നിഷ സാരംഗ് appeared first on Viral Max Media.
from Mallu Articles https://ift.tt/wJtcxam
via IFTTT