സ്വാസിക, റോഷൻ, അലൻസിയർ എന്നിവരെ കേന്ദ്ര കഥാപാത്രമായി സിദ്ധാർഥ് ഭരതൻ സംവിധാനം ചെയ്ത സിനിമയാണ് ചതുരം. തിയേറ്ററുകളിൽ സമ്മിശ്ര പ്രതികരണമായിരുന്നു ചിത്രത്തിന് ലഭിച്ചത്. ഇപ്പോഴിതാ, സ്വാസികയ്‌ക്കൊപ്പം ‘ചതുരം’ സിനിമയിൽ ഇന്റിമേറ്റ് സീനുകളിൽ അഭിനയിച്ചതിനെ കുറിച്ച് പറയുകയാണ് അലൻസിയർ. പലപ്പോഴും ഇത്തിരി കടന്നു പോയതുപോലെ തോന്നിയിരുന്നുവെന്നും, എന്നാൽ ആ സമയത്ത് സ്വാസിക പറഞ്ഞ ഒരു കമന്റ് തനിക്ക് കിട്ടിയ ഏറ്റവും വലിയ സർട്ടിഫിക്കറ്റ് ആയി തോന്നി എന്നും അലൻസിയർ പറയുന്നു. മിർച്ചി മലയാളത്തിന് നൽകിയ അഭിമുഖത്തിൽ സംസാരിക്കുകയായിരുന്നു താരം.
‘സ്വാസികയെ എനിക്ക് മുൻപ് പരിചയമില്ല. ഇങ്ങനെയൊരു സീൻ സിദ്ധാർത്ഥ് വിശദീകരിക്കുമ്പോൾ ഞാൻ ചോദിച്ചു എങ്ങനെ എന്ന്?. അവളോടൊപ്പമുള്ള ആദ്യ ഷോട്ട് ആണ്. താനും സ്‌ക്രിപ്റ്റ് റൈറ്ററും സിദ്ധാർത്ഥും ഇരിക്കവെ സ്വാസിക വന്നു. എന്താ ഷോട്ട് എടുക്കുന്നില്ലേ എന്ന് ചോദിച്ചു. നിങ്ങൾ തമ്മിൽ ഒന്ന് വർക്ക് ചെയ്ത് നോക്കൂ എന്ന് പറഞ്ഞ് സിദ്ധാർത്ഥ് കൈയൊഴിഞ്ഞു. അവൾക്കൊരു പ്രശ്‌നം ഇല്ല. എത്ര ആൾക്കാരുണ്ടെന്ന് അറിയാമോ? ലൈറ്റ് ബോയ്‌സ്, പരിചയമില്ലാത്ത വീട്ടുകാർ, നിങ്ങൾക്ക് തിയേറ്ററിൽ മാത്രമാണ് ഇന്റിമേറ്റ് സീൻ, തങ്ങൾക്ക് പരസ്യമാണ്. തങ്ങൾ മൂവ്‌മെന്റ് ഒക്കെ നോക്കിയപ്പോൾ അവൾ ഭയങ്കര ഫ്രീ ആയി.
എനിക്ക് അത്ര ആവാൻ പറ്റുന്നില്ല. എന്നെ കൊണ്ട് നടക്കില്ലെന്ന് സിദ്ധാർത്ഥിന് മനസിലായി. സിദ്ധാർത്ഥ് തന്നെ ഒടുവിൽ ഡിസൈൻ ചെയ്ത് തന്നു. പാവാട തൊട്ടിങ്ങനെ പോവണം. തന്റെ കൈ നീങ്ങി വന്ന് അവളുടെ മുട്ടിന് മുകളിലേക്ക് പോയി. ഞാൻ പെട്ടെന്ന് പിടിച്ച് തിരിച്ചിട്ടു. അത്രയും പാടില്ലെന്ന് എനിക്ക് തോന്നി. എന്റെ സദാചാര ബോധം അനുവദിച്ചില്ല. ഒരു സ്ത്രീപക്ഷ വാദിയും ആയത് കൊണ്ടല്ല.
ഇത്തിരി കടന്ന് പോയില്ലേ എന്ന് വിചാരിച്ച് ഞാൻ വിട്ടു. അപ്പോൾ സ്വാസിക തന്നെ പറഞ്ഞ കമന്റ് ആണ് തനിക്ക് കിട്ടിയ ഏറ്റവും വലിയ സർട്ടിഫിക്കറ്റ്, ‘ഇയാൾക്കാണോ മീടൂ കിട്ടിയത്’ എന്ന് എന്നായിരുന്നു സ്വാസിക ചോദിച്ചത്’, അലൻസിയർ പറയുന്നു.
The post ‘പാവാടയിലൂടെ മുട്ടിന് മുകളിലേക്ക് എന്റെ കൈ പോയി, ഇയാൾക്കാണോ മീ ടൂ കിട്ടിയത്’ എന്ന് സ്വാസിക ചോദിച്ചു’: അലൻസിയർ appeared first on Mallu Talks.
from Mallu Articles https://ift.tt/0TkjMva
via IFTTT